«Գնում ենք ընտրությունների, և երևի նկատել եք, որ հիմնական խոսակցությունը խաղաղության մասին է, չէ՞։ Երևի այսպիսի տարբեր վարիացիաներով, բանով, բայց հիմնական թեման խաղաղությունն է։ Իշխող կուսակցությունը խաղաղությունը դարձրել է իր հիմնական քարոզչական, այսպես ասենք, թեզը։ Ինչո՞ւ համար, որովհետև ուրիշ բանից չի կարող խոսել։ Իսկապես, բոլոր նախանշված ծրագրերը, իրենց նախկին խոստումները իրենք տապալել են, և մնացել է մեկ թեմա՝ խաղաղություն։ Եվ այդ թեման առաջ մղելու համար փորձում են ցույց տալ, որ միայն իրենք են սեփականաշնորհել խաղաղությունը, և մյուս բոլոր քաղաքական ուժերը բերելու են պատերազմ։ Եվ զավեշտալին այն է, որ խաղաղության մասին, խաղաղության այդ թեզը փորձում է սեփականաշնորհել մի մարդ, որը բերել է պատերազմ, բերել է զոհեր, բերել է իսկական արհավիրք սեփական ժողովրդի գլխին, և մեղադրում է այն քաղաքական ուժին, այն առաջնորդին, որի ժամանակ եղել է խաղաղություն, չի եղել պատերազմ, եղել է արժանապատիվ խաղաղություն։ Եվ, ըստ էության, մենք մտել ենք մի բանավեճի մեջ, որն իր էությամբ աբսուրդային է»,- այս մասին Գորիսում «Հայաստան» դաշինքի քարոզարշավի ժամանակ ասաց դաշինքի առաջնորդ, ՀՀ երկրորդ նախագահ Ռոբերտ Քոչարյանը։
Մանրամասն՝ տեսանյութում։
