«Սիրելի ընկերներ, այստեղ հավաքվել են մարդիկ, ովքեր պահանջում են փոփոխություն, ովքեր դեմ են եկեղեցու ապականմանը, դեմ են ատելությանը, դեմ են պառակտմանը, մենք ուզում ենք ոչ թե գոյատևել, այլ ապրել, ոչ թե դիմանալ, այլ ծաղկել և զարգանալ: Մենք ուզում ենք այդ Հայաստանը և ես ձեզ ասում եմ այդ Հայաստանը հնարավոր է: Հնարավոր է ուժեղ խաղաղություն, որը ձեռք է բերված ոչ թե հանձնումով, այլ կառուցված է արժանապատվությամբ: Հնարավոր է ուժեղ տնտեսություն, որտեղ ձեր ջանքն ու ձեր երազանքը արժեք ունեն: Հնարավոր է ուժեղ Հայաստան, որտեղ ոչ ոք չի ձերբակալվի ձայն ունենալու համար, որտեղ ոչ ոք չի ահաբեկվի ճշմարտություն ասելու համար, որտեղ ոչ ոք ստիպված չի լինի ընտրել հայրենիքի և ապագայի միջև: Մենք պետք է կանգնեցնենք Նիկոլ Փաշինյանին: Կանգնեցնենք Փաշինյանին, որպեսզի նա չկործանի այն երիտասարդի կյանքը, ում միակ մեղքը եկեղեցում գտնվելն էր: Այժմ նա կալանավորված է և նրա առողջական վիճակը վատթարանում է: Մեզանից յուրաքանչյուրը կարող էր լինել այդ երիտասարդի տեղում»,- այս մասին Ազատության հրապարակում հանրահավաքի ժամանակ հայտարարեց «Ուժեղ Հայաստան» կուսակցության անդամ Ալեքսան Ալեքսանյանը։
Մանրամասն՝ տեսանյութում։
