«Մենք տեսնում ենք Հայաստանը որպես ժամանակակից, արդյունաբերական երկիր: Ամենից էֆեկտիվ երկիրն ենք տեսնում այս տարածաշրջանում՝ զարգացած գյուղատնտեսությամբ և ֆինանսական համակարգով: Մենք նորից դառնալու ենք Հարավային Կովկասի ամենագրավիչ երկիրը ներդրումների համար: Մենք այդպիսինը եղել ենք և նորից դառնալու ենք:

Մենք չենք պայքարելու սեփական պատմության հետ, Արարատի հետ, Արարատ լեռան հետ, ոչ Արարատ Միրզոյանի, Եկեղեցու հետ, մեր ինքնության հետ: Մենք վռնդելու ենք նրանց, ովքեր պայքարում են մեր արժեքային համակարգի դեմ:

Վստահաբար խոստանում եմ, որ մենք ունենալու ենք ամենից ուժեղ, ամենից կայուն, ամենից հետաքրքիր իր բովանդակությամբ երկիրը Հարավային Կովկասում, և երկիր, որը հենված է լինելու ազգային արժեքային համակարգի վրա: Երկիր, որտեղ քաղաքացին մտահոգված չի լինելու անվտանգային հարցերով: Դրանով պետք է զբաղվի իշխանությունը, ոչ թե քաղաքացին»,- այս մասին այսօր՝ հունիսի 5-ին, «Հայաստան» դաշինքի անդամների և աջակիցների ամփոփիչ հանդիպմանը հայտարարեց ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը:

Մանրամասն՝ տեսանյութում։