Բագրատ սրբազանի և մյուսների գործով դատական այսօրվա նիստի սկզբում Բագրատ սրբազանը աղոթք հնչեցրեց, որը նրա հետ կրկնեցին դահլիճում հավաքվածները։
Նա ափսոսանք հայտնեց, որ դատական նիստերը դանդաղ են ընթանում։ Սրբազանը ներողություն խնդրեց հայրենակիցներից, որոնք ժամանակ են ծախսում, գալիս հասնում են դատարան, սակայն նիստերը նման ընթացք են ստանում։
«Շատ վատ եմ զգում, որ այս նիստերը հետաձգվում են կամ ընդմիջվում են տարբեր պատճառներով։ Շատ կխնդրեմ, որ մեր գործընթացն արագ ընթանա, որքան արագ, էնքան լավ։ Վերջում էլ ուզում եմ ամփոփել, ես մինչև այսօր Քննչական կոմիտեի ղեկավարից չստացա որևէ պատասխան իր կատարած անպատասխանատու հայտարարության համար։ Դրա փոխարեն երկու անգամ հրավիրվեցի Քննչական կոմիտե, բայց ոչ այդ հարցով»,-ասաց Բագրատ սրբազանը։
