«Միջին հաշվով կանայք իրենց կյանքի ընթացքում շաբաթական 15.3 ժամ հատկացնում են տնային տնտեսության աշխատանքներին և ևս 8.6 ժամ՝ խնամքի տարբեր տեսակներին։ Տղամարդկանց դեպքում այդ նույն ցուցանիշները զգալիորեն ցածր են՝ միջինը 3.5 ժամ տնային աշխատանքների և մոտ 2.2 ժամ խնամքի համար։
Սա նշանակում է, որ տղամարդիկ կյանքի ամբողջ ընթացքում շաբաթական ընդամենը շուրջ երեքուկես ժամ են ծախսում տնային գործերի վրա, մինչդեռ կանանց դեպքում այդ ժամանակը մի քանի անգամ ավելի մեծ է։
Կան նաև տարիքային փուլեր, երբ այս տարբերությունն առավել ընդգծված է։ Մասնավորապես, կանանց չվճարվող աշխատանքի գագաթնակետը գրանցվում է 30–35 տարեկան շրջանում։ Այդ տարիքում տնային աշխատանքը, երեխաների և տարեցների խնամքը միասին կազմում են շաբաթական 47–49 ժամ։
Տղամարդկանց դեպքում նույն տարիքային խմբում այդ ցուցանիշը կազմում է ընդամենը 8–11 ժամ։ Այսինքն՝ աշխատանքային տարիքում կանայք միջինում 4–5 անգամ ավելի շատ չվճարվող աշխատանք են կատարում, քան տղամարդիկ։
Ավելին, 23–27 տարեկան շրջանում տարբերությունն առավել մեծ է․ կանայք այդ տարիքում խնամքի և տնային աշխատանքի վրա ծախսում են մինչև 10 անգամ ավելի շատ ժամանակ, քան տղամարդիկ»,- այս մասին այսօր՝ հուլիսի 27-ին, «Աշխատանք, տնային գործեր, խնամք, կանանց ու տղամարդկանց ներգրավվածություն․ հետազոտության արդյունքները» թեմայով մամուլի ասուլիսի ընթացքում հայտարարեց «Ամերիա» ՓԲԸ-ի կառավարման խորհրդատվական ծառայության ղեկավար Տիգրան Ջրբաշյանը։
Մանրամասն՝ տեսանյութում։
