Թուրքիայի ԱԳ նախարար Հաքան Ֆիդանը նախազգուշացրել է, որ Իսրայելը կարող է փորձել տապալել ԱՄՆ-ի և Իրանի միջև բանակցային գործընթացը, եթե դրա համար հնարավորություն ունենա։
«Մենք արժեքավոր ենք համարում Իրանի և ԱՄՆ-ի միջև բանակցությունները։ Սակայն չպետք է մոռանալ, որ Իսրայելը կարող է սաբոտաժի ենթարկել գործընթացը, երբ դրա հնարավորությունը ունենա։ Բոլոր կողմերը պետք է այս հարցում զգոնություն ցուցաբերեն», — ասել է Ֆիդանը Haber Global հեռուստաալիքին։
ԱՄՆ-ն և Իսրայելը փետրվարի 28-ին պատերազմ են սկսել Իրանի դեմ։ Հունիսին Վաշինգտոնը և Թեհրանը ստորագրել են փոխըմբռնման հուշագիր, որը նախատեսում է ռազմական գործողությունների անհապաղ դադարեցում բոլոր ճակատներում, այդ թվում՝ Լիբանանում։ Այնուհետև շվեյցարական Բյուրգենշտոկ հանգստավայրում, Դոհայի և Իսլամաբադի միջնորդությամբ, տեղի են ունեցել ԱՄՆ-ի և Իրանի բանակցությունները՝ հուշագրի իրագործման վերաբերյալ։ Ինչպես նշվել է բանակցությունների առաջին փուլի ավարտին Պակիստանի և Կատարի համատեղ հայտարարության մեջ, Իրանի և ԱՄՆ-ի ներկայացուցիչների մասնակցությամբ հանդիպումն անցել է դրական և կառուցողական մթնոլորտում, ձեռք է բերվել հուսադրող առաջընթաց, այդ թվում՝ ստեղծվել է հիմք հետագա տեխնիկական խորհրդակցությունների անցկացման համար։
