«Այս ամենը հետևանք էր երեկվա Լևոն Քոչարյանի սուր հարցադրման՝ այն պարագայում, որ երկրի վարչապետը եկել էր, փողոցային բառապաշարով խոսում էր, ոչ հարիր երկրի ղեկավարին։ Եվ այս պարագայում, շատ ուղիղ ասած, ասում էր՝ «դուք ժառանգություն եք ստանալու, ես ունեզրկելու եմ»։ Եվ այսօր, փաստացի, այն ընկերությունները, որոնց սեփականատերը հանդիսանում էր Քոչարյան ընտանիքը՝ սկսած Սիրուշոյի «Պրեգոմեշից», վերջացրած «Տոյոտայով» կամ մյուսներով, ոնց ձեզ ասեմ, անհասկանալի, ուղղակի անհասկանալի ձևով գալիս են, փակում են, կապարակնքում են ու ասում են՝ չպիտի աշխատես։

Այսինքն՝ սա խայտառակություն է, ուղիղ խայտառակություն։ Դա երկրի իմիջին է կպնում, հեղինակությանն է կպնում և ներդրումային միջավայրին։ Եվ ամբողջ աշխարհը այս բոլորը տեսնում է։

Ու այստեղ ինձ համար նաև ցավը այն է, որ հետապնդվում է մեր երկրի երկրորդ նախագահը, Արցախի առաջին նախագահը, այն պարագայում, երբ որ մենք տեսնում ենք՝ Արցախի բոլոր նախագահները Բաքվի բանտում են։ Միակ նախագահը, որ ազատության մեջ է, դա Ռոբերտ Քոչարյանն է, ու Նիկոլ Փաշինյանը այս պարագայում կերպարի, հաղթող կերպարի հետ է իր կռիվը տալիս։

Այսինքն՝ ինքը Ռոբերտ Քոչարյանի հետ պրոբլեմ ունի, որովհետև Ռոբերտ Քոչարյանը հաղթել է Ալիևին, իսկ այսօրվա իշխանությունը Ալիևի առաջ կզած ու չոքած է»,- այս մասին այսօր՝ օգոստոսի 25-ին, Հակակոռուպցիոն դատարանի բակում լրագրողների հետ զրույցում նշեց ԱԺ «Հայաստան» խմբակցության պատգամավոր Մեսրոպ Մանուկյանը։

Մանրամասն՝ տեսանյութում։