Ադեկվատ չի նա․ հոգեկան շարժում արեց, ձեռքով ուզում էր կպնել, գոռացի վրան։ Այս մասին 24News—ի հետ զրույցում ասաց Փաշինյանին մերժող քաղաքացին։
«Այո՛։ Իմ եղբայրը՝ 44-օրյա պատերազմի ժամանակ բռնի անհետացած բարձրաստիճան սպա Հրանտ Պապիկյանն է։ Բայց, հավատացե՛ք, իմ առաջին հոգու պոռթկումը հայրենիքի կորուստն է։ Եթե ես եղբորս կորցնեի, և լիներ արժանապատիվ պարտված երկրի կորուստ, ես թեթև կտանեի էս ցավը։ Ինքը պղծեց ամեն ինչ։ Աստված մի արասցե, եթե ինքը վերընտրվի, երևի թուրքական վիլայեթ ենք դառնալու։ Հայրենիքիս էս ձևի կորուստ, ես հանդուրժել և ներել չեմ կարող։ Ինքը հոգեկան շարժում արեց, ձեռքով ուզում էր կպնել, գոռացի վրան»,-ասաց նա։
«Ես հայ եմ։ Այո՛, ես անհետ կորած, բռնի անհետացած զինվորի քույր եմ։ Ամբողջ ցավն այն է, որ ինչ-որ մեկը համարձակվում է ասել՝ «դու այստեղից չես», «դու ո՞վ ես»։ Ես այս շենքի բնակիչ եմ և չէի կարող հանդուրժել, որ թուրքը գա իմ շենքի դիմաց, իմ տարածքն էլ պղծի, իսկ ես լռեմ։
Ես արդեն 30 տարի է՝ այս թաղամասի բնակիչ եմ։ Այստեղից հազիվ մի տասը հոգու տեսա։ Քառասուն րոպե մեքենայով սպասում էի ու տեսնում էի՝ ինչպես էին մարդկանց բերում, լցնում տարածքը։ Դա իր բերած մասսան էր։ Մեր շենքում գիտեմ երկու-երեք ընտանիք, որոնք մինչև հիմա աջակցում են իրեն։ Ամեն անգամ, երբ առիթ է լինում, իմ զարմանքն ու հիասթափությունն եմ հայտնում իրենց։
Ինչքան կարողացել եմ, պայքարել եմ իր դեմ, որովհետև կարծում եմ՝ ինքը իմ երկիրը տանում է կործանման, իմ ազգը՝ ոչնչացման, մեր ազգային արժանապատվությունը՝ ոտնահարման»- նշել է նա։
Հիշեցնենք, որ Արաբկիր վարչական շրջանում քարոզարշավի ժամանակ վիճաբանություն էր տեղի ունեցել Փաշինյանի և քաղաքացու միջև։ Քաղաքացին բողոքել էր Փաշինյանի վարած քաղաքականությունից, ինչին ի պատաասխան՝ Փաշինյանը հիստերիայի մեջ էր ընկել՝ ասելով․
«Ղարաբաղի ակցենտով դիմակավորվածներ կան, որ վիդեոներ են տարածում։ Դո՛ւք եք փախած լակոտները, հանե՛ք ձեր դիմակները, ա՛յ ստահակներ, ա՛յ փախածներ, ա՛յ մեր երեխեքին հակառակորդի առաջ մենակ թողածներ։ Ռոբի՛ լակոտներ, Սերժի՛ լակոտներ, Գագոյի՛ լակոտներՍերժին էլ եմ կզացնելու, Ռոբին էլ, կալուգացուն էլ»։
