«Ռուսաստանը միակ երկիրն է, որը կարող է հակակշռել Թուրքիայի ազդեցությունը այս տարածաշրջանի վրա, և ի՞նչ պիտի անի արտաքին քաղաքականությունը Հայաստանի Հանրապետության՝ բալանսավորել այդ ուժերի ներկայությունը այստեղ, զսպել Թուրքիայի ազդեցությունը այս տարածաշրջանի վրա, իսկ դա այլ կերպ, քան Ռուսաստանի հետ, ուղղակի չես կարող անել, որովհետև չկա այս երկրագնդի վրա այլ երկիր, որը կարող է հակակշռել։ Ի՞նչ է անում այս իշխանությունը. ամեն ինչ անում է Ռուսաստանի հետ հարաբերությունները փչացնելու համար, ամեն ինչ։ Բայց Ռուսաստանը ոչ միայն անվտանգային առումով հավասարակշռող պետություն է, ուժ է, Ռուսաստանը նաև տնտեսական առումով մեր հիմնական գործընկերն է։ Կրկնեմ այս միտքը՝ Հայաստանի Հանրապետության բնակչության 80%-ի բարեկեցությունը զգալիորեն կախված է Ռուսաստանի հետ տնտեսական հարաբերություններից։ Հասկանում ես՝ սա փաստ է, և չես կարող դու ուղղակի այս փաստից փախնել՝ ինչ ուզում ես արա»,- այս մասին Վայքում «Հայաստան» դաշինքի քարոզարշավի ժամանակ ասաց դաշինքի առաջնորդ, ՀՀ երկրորդ նախագահ Ռոբերտ Քոչարյանը:
Մանրամասն՝ տեսանյութում։
