Ի դեպ, տևական ժամանակ է, ինչ կառավարություն-ԱԺ քննարկման թեման պարտադիր զինվորական ծառայությունից ազատվելու նախագիծն է, որով առաջարկվում է որոշակի գումարներ վճարելու դիմաց ծառայել ընդամենը 1 կամ 4 ամիս, նայած թե որն է ձեզ հարմար։

Վերոնշյալ նախագծով առաջարկվում է նաև մինչև 16 տարեկանը ՀՀ քաղաքացիությունից հրաժարվելու համար արական սեռի քաղաքացիների տուրքի գումարը սահմանել 15 մլն դրամ։ Նշենք, որ ՀՀ քաղաքացիությունից հրաժարվելու պետական տուրքը 25000 դրամ էր։

Զարմանալի է, իհարկե, բայց բանակից գումարի դիմաց խուսափելու նախագծի շրջանակներում առաջարկվում է ավելացնել վարժական հավաքներից խուսափելու տույժերը։

Տպավորություն է, որ Հայաստանի այսօրվա կառավարությունն իր գլխավոր անելիքն է համարում քաղաքացիների հաշվին գումար աշխատելը, անգամ եթե դա վերաբերում է ռազմավարական ու անվտանգային հարցերին։

Հորինվում են առիթներ՝ քաղաքացու հաշվին բյուջե լցնելու համար։ Օրերս էլ նախագիծ ընդունվեց, որով կառավարությունն առաջարկում է հերթ առաջ գցել գումարի դիմաց։

Իշխանություններն օրինականացնում են այն ամենը, ինչը նախկինում անվանում էին կոռուպցիա և գումար են աշխատում՝ մտնելով ուղիղ քաղաքացու գրպանը։