Ասեք՝ ի՞նչն ենք զիջել, 7 տարի վարչապետ եմ, իմ կարծիքով՝ ՀՀ-ն հիմա շատ ավելի անկախ և ինքնիշխան պետություն է։ Այս մասին Հանրային հեռուստաընկերության եթերում հայտարարել է Փաշինյանը։
«Զիջումների թեմային պետք է լրջորեն մոտենանք։ Զիջել ենք ի՞նչը՝ սկսած ԼՂ-ից։ Ողջ միջազգային հանրությունը ԼՂ-ն փաստաթղթավորված ձևով ճանաչել էր Ադրբեջանի մաս։ Կիրանց-Ոսկեպարում, ի՞նչ ենք զիջել։ 7 տարի վարչապետ եմ, իմ կարծիքով՝ ՀՀ-ն հիմա շատ ավելի անկախ և ինքնիշխան պետություն է։ Ասեք՝ ի՞նչն ենք զիջել: Ես պատրաստ եմ տող-տող գնալ: Այո, մենք կորուստներ ունեցել ենք, առաջին հերթին նկատի ունեմ մեր նահատակներին, որոնք որոնք անվերադարձ զրկվել են իրենց կյանքից: Բայց մենք պետք է հասկանանք նաև՝ ինչի համար զոհվեցին այդ տղաները… ես ինքս ինձ հարց եմ տվել և եկել եմ էդ հարցի պատասխանին՝ անկախության, ինքնիշխանության համար, պետություն ունենալու համար, պետություն ունենալու շանս ունենալու համար, խաղաղության համար: Էն ժամանակներում, որ մենք չենք զիջել, մենք չենք ունեցել ոչ միայն խաղաղություն, այլև խաղաղություն ունենալու շանս»,-ասել է նա։
