«Քննարկում ենք «Հայաստանի Հանրապետության վարչատարածքային բաժանման մասին» օրենքը։ Պարզ հարց եմ հնչեցնում․ ըստ այս օրենքի՝ Արարատի մարզի Տիգրանաշեն բնակավայրը Հայաստանի Հանրապետության տարածք է։

Ես հարցնում եմ՝ ի՞նչ իրավական հիմքով է Նիկոլ Փաշինյանն այդ տարածքն անվանել ադրբեջանական անունով։ Չեմ ասում՝ ի՞նչ կարծիքի հիման վրա, ի՞նչ եք հաշվարկել, ի՞նչ եք մտածել։ Ես հարցնում եմ իրավական հիմքը։ Խնդրում եմ՝ հաջորդը ՔՊ-ից ով կցանկանա, թող այս հարցին անդրադառնա։ Որևէ իրավական հիմք չի մատնանշվել։

Ես նաև այս հարցումն ուղարկել եմ Նիկոլ Փաշինյանի աշխատակազմ՝ բացատրություն ստանալու համար։ Բայց այս քննարկումը մեզ օգնեց, փաստորեն, պարզել, թե որն է գործող իշխանության պլանը Տիգրանաշենի հետ կապված»,- այս մասին այսօր՝ սեպտեմբերի 14-ին, հայտարարեց ԱԺ «Հայաստան» խմբակցության պատգամավոր Քրիստինե Վարդանյանը։

Մանրամասն՝ տեսանյութում։