«Պարո՛ն նախագահ, ընտրողների հետ «Հայաստան» դաշինքի ամփոփիչ հանդիպմանը Լևոն Քոչարյանը դիմեց ձեզ չընտրող քաղաքացիներին և ընդունելով նախկինում արված սխալները, այնուամենայնիվ, խնդրեց ընտրել ձեզ, այլ ոչ թե Ալիևի մարզպետ Նիկոլ Փաշինյանին: Այ դուք ի՞նչ ունեք ասելու ձեզ չընտրող քաղաքացիներին, ինչո՞ւ ընտրել ձեզ»,- այս հարցն է տրվել «Հայաստան» դաշինքի առաջնորդ, ՀՀ երկրորդ նախագահ Ռոբերտ Քոչարյանին:
Նախագահը պատասխանեց․ «Ես ազգային-ազատագրական պայքարից եմ մտել քաղաքականություն՝ ըստ էության միանգամից զբաղեցնելով Հայաստանում բարձր պաշտոն, նաև Արցախում բարձր պաշտոն՝ Պետական Պաշտպանության կոմիտե, հետո՝ նախագահ, այստեղ՝ վարչապետ, հետո՝ նախագահ։ Սա, այսպես ասենք, նաև որոշակի աշխատանքի ոճ էր, ենթադրում եմ․ հաղորդել ինձ, որը եղել է ավելի շատ մենեջերական, այսպես՝ կառավարման, հատկապես՝ ճգնաժամային իրավիճակներում։ Հիմա ես տեսել եմ նաև կյանքը և քաղաքական կյանքը մյուս կողմից՝ լինելով արմատական ընդդիմադիր, առերեսվելով անարդարության հետ, և երբ այդ անարդարությունը իշխանության կողմից է գալիս, թե ինչ կարգի զգացումներ է դա առաջացնում․ և՛ բանտ, և՛ անհասկանալի մեղադրանքներ, հետապնդումներ՝ և ոչ միայն ինձ, այլ նաև իմ թիմակիցներին և իմ ընտանիքին։ Եվ այդ ամենը ինձ ոչ թե չարացրել է, այլ, ընդհակառակը, ավելի իմաստուն է դարձրել, և այդ տեսանկյունից ես հիմա հետ կգամ լրիվ այլ փորձով։ Փորձը հետևյալի մեջ է, և այն տեսանկյունից եմ տեսել սա՝ իշխանական և ընդդիմադիր տեսանկյունից, առնչվել եմ իշխանությանը բնորոշ բոլոր բացասական կողմերին, այդ բացասական կողմերը ֆուլ պակետով կիրառվել է իմ նկատմամբ։ Եվ կարծում եմ, ենթադրում եմ՝ այսպիսի փորձ ոչ ոք չունի նաև Հայաստանում, և այս փորձով լրիվ այլ պատկեր եք ունենալու՝ արդյունավետությունը գումարած, այսպես ասենք, նոր պատկերացումները քաղաքական պրոցեսների մասին»։
Մանրամասն՝ տեսանյութում։
