ՀԷՑ-ին վերաբերող Ստոկհոլմի արբիտրի վճիռը ենթակա է պարտադիր կատարման։ Որոշման պարտադիրությունը հաստատել է Միջազգային իրավական հարցերով Հայաստանի ներկայացուցչի գրասենյակը` Sputnik Արմենիայի հարցին ի պատասխան։
«ՀԾԿՀ-ն վարչապետի աշխատակազմ մի շարք հարցումներ է ուղարկել Ստոկհոլմյան հրատապ աբիտրաժի որոշման կատարման հետ կապված։
Ի պատասխան Միջազգային իրավական հարցերով ներկայացուցչի գրասենյակը մանրամասն ներկայացրել է վերաբերելի իրավակարգավորումները, այդ թվում՝ Ստոկհոլմի արտակարգ արբիտրի հուլիսի 22-ի վճռի (ՀԷՑ-ի պետականացման արգելքի մասին) պարտադիրության, դրա կամավոր կատարման և ճանաչման վերաբերյալ»,- նշել են գրասենյակից։
Հանրային ծառայությունները կարգավորող հանձնաժողովից լրատվամիջոցին ասել են, որ դեռևս չեն մեկնաբանում։
