«ՀայՓոստը» գաղտնիքը վստահում է միայն տնօրենի ամուսնուն՝ Հայկ Կոնջորյանին. «Ժողովուրդ»

12 Օգոստոսի, 2026

«Ժողովուրդ» օրաթերթը գրում է. «Հայկ Կոնջորյանը ԱԺ ամբիոնից օգոստոսի 3-ին հայտարարեց, որ իր կնոջ՝ «ՀայՓոստ»-ի տնօրենի աշխատավարձը ընկերության պատմության մեջ ամենացածրն է։

«Ժողովուրդ»-ը փորձեց ստուգել այդ հայտարարությունը՝ ուղիղ հարցում ուղարկելով «ՀայՓոստ»-ին։ Պատասխանը ուշագրավ է․ ընկերությունը մեզ տվեց 20 տարվա բոլոր տնօրենների անուններն ու պաշտոնավարման ժամկետները, բայց աշխատավարձերի մասին որևէ տեղեկություն չի տրամադրել ընկերությունը։

Այսինքն՝ «ՀայՓոստ»-ը՝ ի դեմս տնօրեն Շուշան Ալեքսանյանի, պատրաստ է հանրությանը ասել՝ ովքեր են ղեկավարել ընկերությունը անցած 20 տարիներին, բայց պատրաստ չէ ասել, թե այդ ղեկավարները որքան են վարձատրվել։

Մինչդեռ «Ժողովուրդ» օրաթերթը հարցրել էր շատ կոնկրետ բաներ՝ վերջին 20 տարիների տնօրենների աշխատավարձերը, դրանց փոփոխությունները, պարգևավճարները, հավելավճարներն ու այլ դրամական վճարումները։

Ըստ «ՀայՓոստ»-ի պատասխանի՝ աշխատավարձը անձնական տվյալ է, հետևաբար, առանց աշխատողի համաձայնության, այն չի կարելի տրամադրել։

Բայց այստեղ է սկսվում գլխավոր հարցը։ Եթե Հայկ Կոնջորյանի հրապարակային հայտարարությունը վերաբերում է «ՀայՓոստ»-ի պատմության մեջ ամենացածր աշխատավարձին, ապա այդ հայտարարությունը ինչպե՞ս պետք է ստուգի հանրությունը։

Կոնջորյանը ոչ թե իր տան խոհանոցում է այդ մասին խոսել, այլ Հայաստանի Հանրապետության Ազգային ժողովի ամբիոնից։ Իսկ «ամենացածր աշխատավարձը» փաստական պնդում է, որը ենթադրում է համեմատություն ընկերության նախկին պաշտոնների աշխատավարձերի հետ։

Բայց ինչպես համեմատենք, եթե նախկին տնօրենների աշխատավարձի մասին տեղեկությունը տիրապետում է միայն ընկերությունը։

Ընդգծենք, որ «Ժողովուրդ»-ը նախկինում նույնպես դիմել էր «ՀայՓոստ»-ին և ԲՏԱ նախարարությանը՝ պարզելու Հայկ Կոնջորյանի կնոջ աշխատավարձի չափը, սակայն էլի այդ տվյալը պահվեց՝ ինչպես պետական գաղտնիք։

Սակայն այստեղ կա մի կարևոր տարբերություն․ մենք չենք պահանջել որևէ աշխատակցի առողջական, ընտանեկան կամ այլ ինտիմ տվյալներ։ Հարցը վերաբերում է աշխատանքի դիմաց վճարվող՝ ընդ որում արդեն պետական բյուջեից, գումարին և դրա համեմատությանը «ՀայՓոստ»-ի նախկին ղեկավարների վարձատրության հետ։

«Տեղեկատվության ազատության մասին» օրենքը նախատեսում է տեղեկատվության հասանելիության սահմանափակումներ, այդ թվում՝ անձնական և ընտանեկան կյանքի գաղտնիության պաշտպանության նպատակով։ Բայց նույն օրենքը նաև կարգավորում է հանրային նշանակության կազմակերպություններից տեղեկատվություն ստանալու իրավունքը։

Սա կոնկրետ հանրային շահ հետապնդող հարց է, քանի որ Շուշան Ալեքսանյանը՝ «ՀայՓոստ»-ի ղեկավարը, պետական ՓԲԸ-ից ստանում է ամսական 3.4 մլն դրամ կամ մոտ 10 հազար դոլար աշխատավարձ, և հանրությունը պետք է դրա հիմնավորումը ստանա։

Բայց ո՛չ թիվ։ Ո՛չ հաշվարկ։ Ո՛չ համեմատական։ Միայն օրենքների երկար ցանկ և վերջ։

Ինչ է ստացվում. «ՀայՓոստ»-ի ղեկավարը՝ Շուշան Ալեքսանյանը, նախկին տնօրենների աշխատավարձի և իր աշխատավարձի մասին տեղեկությունը, որը անձնական տվյալ է համարում, փոխանցում է բացառապես իր ամուսնուն՝ իշխանական ձայներով ԱԺ փոխխոսնակ ընտրված Հայկ Կոնջորյանին։

Այսինքն՝ անձնական գաղտնիքը, որը առնչվում է անգամ նախկին տնօրեններին, գաղտնիք «ՀայՓոստ»-ի ղեկավարի ամուսնու համար։

Սա այն դեպքն է, երբ պետական, հանրային շահը միախառնվել է անձնական, ընտանեկան շահի հետ, որը Կոռուպցիայի կանխարգելման հանձնաժողովի տիրույթում գտնվող հարց է»։

Նմանատիպ նյութեր

Ծովագյուղի Վահրամն ու ՔՊ-ն՝ ընդդեմ Սևանի քաղաքապետի. ընտրությունների գլխավոր ինտրիգը. «Ժողովուրդ»

Ծովագյուղի Վահրամն ու ՔՊ-ն՝ ընդդեմ Սևանի քաղաքապետի. ընտրությունների գլխավոր ինտրիգը. «Ժողովուրդ»

«Ժողովուրդ» օրաթերթը գրում է. «Սպասվող ՏԻՄ ընտրություններում ամենաինտրիգային համայնքներից մեկը Սևանն է, որտեղ երեք թեկնածուների պայքարն աստիճանաբար վերածվում է գործող համայնքապետ Սարգիս Մուրադյանի դեմ համատեղ հակաքարոզչության։ Եվ ՔՊ-ն, և Վահրամ Գևորգյանը ունեն մեկ...

Նոր աշխարհակարգի շեմին. ի՞նչ է սպասվում Հայաստանին. «Փաստ»

Նոր աշխարհակարգի շեմին. ի՞նչ է սպասվում Հայաստանին. «Փաստ»

«Փաստ» թերթը գրում է. «Չինական Շենժեն քաղաքն այս օրերին դառնում է համաշխարհային պատմության վճռորոշ հասցե. այնտեղ սկսվել են ԱՄՆ-ի, Ռուսաստանի և Չինաստանի առաջնորդներ Դոնալդ Թրամփի, Վլադիմիր Պուտինի ու Սի Ծինփինի հանդիպումները: Միջազգային մամուլը Շենժենն արդեն իսկ...

Երազ է տեսել ու սպանել մարդուն. «Հրապարակ»

Երազ է տեսել ու սպանել մարդուն. «Հրապարակ»

«Հրապարակ» օրաթերթը գրում է. Մեր տեղեկություններով՝ օրեր առաջ Բաղրամյան պողոտայում 29-ամյա Էրիկ Կակոյանին դանակահարած երիտասարդին տեղափոխել են հոգեբուժարան՝ հարկադիր բուժման։ Հիշեցնենք, որ նոյեմբերի 7-ին, ժամը 17։33-ին ահազանգ էր ստացվել Բաղրամյան պողոտայում...

Ինչո՞ւ է Հայ առաքելական եկեղեցին գործող իշխանության գլխավոր թիրախը. «Փաստ»

Ինչո՞ւ է Հայ առաքելական եկեղեցին գործող իշխանության գլխավոր թիրախը. «Փաստ»

«Փաստ» թերթը գրում է. «Վերջին օրերին փաշինյանական իշխանության «կարկառունները» վերստին սևեռվել են Հայ առաքելական եկեղեցու և Ամենայն հայոց կաթողիկոսի վրա: Առաջին հայացքից, կարծես, ոչ մի նոր բան չկա: Քպական «կարկառունները», այսպես ասենք, հերթական անգամ «փայլատակեցին»...

Նորանշանակ ՄՍԾ պետը․ ով է Արամ Միրիջանյանը և ինչ ունեցվածք ունի. «Ժողովուրդ»

Նորանշանակ ՄՍԾ պետը․ ով է Արամ Միրիջանյանը և ինչ ունեցվածք ունի. «Ժողովուրդ»

«Ժողովուրդ» օրաթերթը գրում է. «Ինչպես երեկ հայտնել էր «Ժողովուրդ» օրաթերթը, վարչապետ Նիկոլ Փաշինյանի որոշմամբ՝ Արամ Միրիջանյանը նշանակվել է ՀՀ աշխատանքի և բարեկեցության նախարարության Միասնական սոցիալական ծառայության պետ։ ArmLur.am-ն ներկայացնում է, թե ով է ՄՍԾ...