ԱԳՆ-ն հայտարարում է, որ հրաժարվում է արցախցիների իրավունքների պաշտպանությունից և աբսուրդային, հակաիրավական ինչ-որ հրամանագիր է մեջբերում, տպավորություն է ստեղծվում, որ այդ հրամանագիրը իր կեղծ, ոչ իրավական լինելով հանդերձ շատ ավելի ձեռնտու է և օգտագործվում է ՀՀ իշխանությունների կողմից, քան Ադրբեջանի կողմից։ Այս մասին այսօր՝ ապրիլի 14-ին, ԱԳՆ շենքի մոտ բողոքի ցույցի ժամանակ հայտարարեց իրավապաշտպան Նարե Սիմոնյանը։
«Ստացվում է, հայկական դիվանագիտությունը ոչ թե ծառայեցվում է հօգուտ հայկական շահի, այլ հայկական դիվանագիտությունը խաղալիք են դարձրել, օգտագործում են իրենց ներխմբային, ներկուսակցական քմահաճույքները բավարարելու համար։ Թույլ չենք տալու, որ ևս մեկ անգամ ստեք ժողովրդին։ Ու՞ր է ձեր 2021 թվականի խոստումները»,- ասաց Նարե Սիմոնյանը։
Մանրամասն՝ տեսանյութում։
