Ռուսաստանի հոգևոր մշակույթի օրերի շրջանակում Հայաստանում հյուրընկալվել է «Օրփեոս» հեռուստառադիոկենտրոնի «Երգչախմբային երգեցողության վարպետներ» ակադեմիական մեծ երգչախումբը: Մշակույթի օրերն անցկացվում են Երևանում և Գյումրիում։
ՌԴ նախագահի միջազգային մշակութային համագործակցության հարցերով հատուկ ներկայացուցիչ Միխայիլ Շվիդկոյը ողջույնի խոսքում ներկայացրել է «Երգչախմբային երգեցողության վարպետներ» ակադեմիական մեծ երգչախմուբը, որը ՌԴ ամենահին երգչախմբային խմբերից է։
Հատուկ հայաստանյան համերգների համար պատրաստված բազմազան ծրագրում ընդգրկվել են ռուս կոմպոզիտորների, այդ թվում՝ Պյոտր Չայկովսկու, Սերգեյ Ռախմանինովի, Պավել Չեսնոկովի, արևմտյան երաժշտության դասականների՝ Վոլֆգանգ Ամադեուս Մոցարտի, Յոհան Սեբաստիան Բախի, Շառլ Ֆրանսուա Գունոյի ստեղծագործությունները, ինչպես նաև ռուսական և հայկական ժողովրդական երգեր՝ հին ու ժամանակակից մշակումներով:
