Ռազմական փորձագետ Վահագն Սարոյանի ֆեյսբուքյան գրառումը․ «2025թ.-ի տվյալներով՝ Հայաստանում գրանցված տրանսպորտային միջոցների քանակը շուրջ 1 միլիոն էր, որից մոտ 344 հազար ավտոմեքենա հաշվառված էր Երևանում, իսկ այսօր բնականաբար այս թվային պատկերը փոփոխվել է ավտոմեքենաների թվաքանակի աճի օգտին, համապատասխանաբար թե Հայաստանում և թե մասնավորապես Երևանում, իսկ ճանապարհային ցանցը շարունակում է նույնը մնալ։
Ավելին՝ նկատելի է, որ Երևանի ճանապարհների և կամուրջների վերանորոգման աշխատանքները եղած անբավարար ճանապարհային ցանցի պայմաններում ավելի են խորացնում խցանումների աշխարհագրությունն ու անընդհատությունը։
Բայց սա Երևանի երթևեկության ամբողջ ծավալը չէ։ Քանի որ Երևանը խցանվում է նաև այն պատճառով, որ Հայաստանը խցանված է Երևանում»։
