Ադրբեջանագետ Տաթևիկ Հայրապետյանի ֆեյսբուքյան գրառումը՝ կից տեսանյութով․ «Ադրբեջանի պետական հեռուստաընկերության՝ «AZ TV»-ի կիրակնօրյա գլխավոր թողարկման ժամանակ հերթական անգամ Հայաստանի Հանրապետության տարածքը ներկայացվում է որպես «Արևմտյան Ադրբեջան»։ Հաղորդման ժամանակ կադրեր են ցուցադրվում Թալինից ու Ագարակից, խոսվում է գոյություն չունեցող «վերադարձի իրավունքի» մասին։ Վերջում էլ հաղորդավարը ամփոփում է, որ գալու է օրը, երբ կհասնեն «Զանգեզուրի միջանցքի» բացմանը, քանի որ ուժ են հավաքում այդ օրվա համար։
Ես շարունակում եմ ՊՆԴԵԼ՝ Ադրբեջանը ունի զավթողական, շատ վտանգավոր նպատակներ, դրանք էլ ավելի ագրեսիվ ու վտանգավոր են դարձել Արցախում տեղի ունեցած դեպքերից ու դրանց վերաբերյալ ՀՀ իշխանությունների որդեգրած քաղաքականությունից հետո։ Դրա հետ մեկտեղ Ադրբեջանում շարունակվում է պետական մակարդակով քարոզվել ատելություն ու հայատյացություն։ Վերջին վառ օրինակն էլ այն էր, երբ Ալիևը իր ելույթում միայն 11 անգամ հայերի հանդեպ կիրառեց «թշնամի» տերմինը։ Այս ամենը ՊԵՏՔ է ուղղել Ալիևի դեմ, բայց փոխարենը ՀՀ իշխանությունները զբաղված են Ալիևի սրբադասման ու մաքրազերծման աշխատանքներով»։
Դեպրեսիվ տրամադրություններ՝ ՔՊ-ում. «Հրապարակ»
«Հրապարակ» թերթը գրում է. «Նիկոլ Փաշինյանը երեկ հայտարարեց, որ եթե չստացվի համոզել ընդդիմությանը Սահմանադրության փոփոխություն անցկացնելու հարցում, կգնան այլ ճանապարհով, օրինակ՝ արտահերթ խորհրդարանական ընտրությունների։ Այս հայտարարությունն իրար է խառնել իշխանական...
