Երևանի Պուշկինի անվան թիվ 8 հիմնական դպրոցի մանկավարժական անձնակազմը և ծնողական համայնքը այսօր՝ հուլիսի 28–ին ակցիա են կազմակերպել քաղաքապետարանի դիմաց։ Նրանք խնդրում են քաղաքապետարանից դպրոցի տնօրենի ժամանակավոր պաշտոնակատարի պաշտոնում անփոփոխ թողնել Զառա Բարսեղյանին։
Դպրոցի փոխտնօրեն Ռոզա Զաքարյանի խոսքով՝ նրանք լրատվամիջոցներից են տեղեկացել, որ 122 դպրոցի տնօրենը իր դիմումի համաձայն ազատվել է պաշտոնից և նշանակվել Պուշկինի դպրոցում տնօրենի ժամանակավոր պաշտոնակատար։
Աշակերտներից մեկի ծնողն էլ նշեց, որ խոստումը չի պահվել, որովհետև նրանց ասել էին՝ քանի դեռ հիմնական տնօրենի հետ կապված դատական պրոցեսը ընթացքում է, տնօրենի ժամանակավոր պաշտոնակատարը կլինի դպրոցի ներսից, այս պարագայում Զառա Բարսեղյանը, որը բազմամյա փորձ ունի դպրոցում։
