Դատարանը դռնփակ ռեժիմով քննում էր «Հայաստան» խմբակցության անդամ Արթուր Սարգսյանի պաշտպան Արամ Վարդևանյանի միջնորդությունը:
Քննարկումն ավարտվեց, և պաշտպան Վարդևանյանը լրագրողների հետ զրույցում հայտնեց. «Ես հանդես էի եկել միջնորդությամբ, որը վերաբերում էր Արթուր Սարգսյանի նկատմամբ ընտրած կալանքը վերացնելուն, միաժամանակ նաև այլընտրանքային խափանման միջոցներ՝ տնային կալանք, գրավ՝ բացակայելու արգելքով ևս կիրառելուն: Հրատապությունը պայմանավորված էր նրանով, որ Արթուր Սարգսյանի հայրը՝ Սիսիանի նախկին քաղաքապետ 85 տարեկան Լավրենտ Սարգսյանը գտնվում է բժշկական կենտրոնում՝ առողջական լրջագույն խնդիրներով:
Պատկերացրեք մեզ մոտ մարդասիրության ինչպիսի ճգնաժամ կա, որ այս միջնորդության դեմ առարկեցին դատախազները: Այս պայմաններում նշված միջնորդությունը մերժվել է»:
