Ճիշտն ասած զարմացած եմ, այդպիսի բան է եղե՞լ, որ հեղափոխությունից հետո ՀՀ-ում պետք է խորոված չանեն, այդ թվում՝ փողոցում: Այսօր ՀՀ-ի հարյուրավոր փողոցներում խորոված են անում մարդիկ և դա միջոցառում է: Այս մասին ճեպազրույցի ժամանակ ասել է Նիկոլ Փաշինյանը՝ Քաղաքացու օրը, Ամիրյան փողոցում խորոված փարթիին:
«Համենայն դեպս ովքեր իրենց համարում են հայաստանցի և ՀՀ-ն իրենց ինքնության մասն է, ես չեմ պատկերանցում մի ընտանիք, մի շրջապատ, որտեղ որևէ կարևոր իրադարձություն շրջանցում է խորովածը: ՀՀ-ն մեր տունն է և քաղաքի կենտրոնում էլ են խորոված անում: Քաղաքացու օրը քաղաքացիները կարող են նաև փողոցում խորոված անել: Դա մեր կյանքի անբաժան մասն է, և փողոցն էլ մեր կյանքի անբաժան մասն է»,-ասել է նա:
