Բացի հանրային ճնշումներից այլ կերպ չենք կարող ազդել Հայաստանի կառավարության որոշումների վրա. Սամվել Շահրամանյան

Ապր 18, 2025

«Արցախցիների բռնի տեղահանումից հետո սոցիալական բոլոր հարցերի պատասխանատվությունն իր վրա է վերցրել Հայաստանի կառավարությունը»,-Արցախի հանրապետության ներկայացուցչության դիմաց կազմակերպած բողոքի ակցիայի մի խումբ մասնակիցներին արձագանքեց Արցախի նախագահ Սամվել  Շահրամանյանը։

Նա նշեց, որ Արցախի վտարանդի կառավարությունն այդ որոշումները մշակելու, հաստատելու լիազորություններ չունի։

Շահրամանյանն ասաց, թե փորձել են ՀՀ կառավարությանը հասցնել, որ ժողվուրդը գտնվում է ծայրահեղ ծանր վիճակում, և եթե դադարեցվի 50 հազարական դրամների տրամադրումը, ապա ժողվուրդը կհայտնվի փողոցում։

Նա նշեց, որ այդ հարցերի շուրջ համագործակցում են Ազատության հրապարակում հավաքից հետո ձևավորված Արցախցիների իրավունքների պաշտպանության կոմիտեի հետ։

«Սպասել մեզանից, որ մենք կկարողանանք ինչ-որ ձև ազդել Հայաստանի կառավարության որոշումների վրա, բացի հանրային ճնշումներից՝ հնարավորություն չեմ տեսնում»,- ասաց Շահրամանյանը՝ հաստատելով, որ կա արցախցու սոցիալական խնդիրը, բայց դրանց լուծման հնարավորությունն իրենք չունեն։

Անդրադառնալով թալանի թեմային, ինչը վերադարձնելու կարգախոսով հավաքվել են ցուցարարները՝ ԱՀ նախագահն ասաց. «Այսօր Ներդրումնային հիմնադրամի գումարների համար պայքարողների մի մասը՝ այստեղ հավաքում գտնվողներդ, կարող է մոտ կես մլն դոլարի պարտք ունենաք հիմնադրամին, բայց եթե խոսում եք թալանի մասին՝ հենց դուք պետք է լինեք արդար»։

«Ես էլ եմ կողմ, որ այդ թալանը պետք է վերադարձվի մեր ժողովրդին և այդ նպատակով դեռ 2023 թ. նոյեմբերի 8-ին իմ կողմից համապատասխան գրություն է գրվել ՀՀ գլխավոր դատախազին, որի հիման վրա հարուցվել է համապատասխան քրեական գործ:

Ես հրավիրվել եմ հարցաքննության, եղել եմ վկայի կարգավիճակով։ Այդ ժամանակ առգրավվել են Ներդրումային հիմնադրամի էլեկտրոնային կրիչները։ Մինչև 1,000 դրամ իրենք գիտեն, թե ինչ է կատարվել Արցախում այդ հիմնադրամում։ Այդ քրեական գործի շրջանակում նաև Արցախի պետական պաշտոնյաներ են հարցաքննվել, այդ թվում հենց հիմնադրամի տնօրենը։ Վերջերս իրավապահ մարմիններին հորդորել ենք ակտիվացնել այդ ուղղությամբ տարվող գործողությունները»,– նշեց Արցախի նախագահը։

 

 

Նմանատիպ նյութեր

Հույս ունեմ՝ Ավինյանը չի ասի, որ 135 հազար դոլարի բիթքոյններ է արդյունահանել իր ննջասենյակի համակարգչից. Զարուկյան

Հույս ունեմ՝ Ավինյանը չի ասի, որ 135 հազար դոլարի բիթքոյններ է արդյունահանել իր ննջասենյակի համակարգչից. Զարուկյան

Տիգրան Ավինյանի 2024 թվականի հայտարարագրում նրա բիթքոյնները 1.81-ից աճել են մինչև 3.62. այս մասին գրել է Երևանի ավագանու «Ազգային առաջընթաց» խմբակցության անդամ Պեդրո Զարուկյանը: Նա, մասնավորապես, նշել է. «Մեկ բիթքոյնի արժեքը նախորդ տարվա ընթացքում միջինում կազմել է...

Ոստիկանության 9 աշխատակից է ձերբակալվել

Ոստիկանության 9 աշխատակից է ձերբակալվել

NEWS.am-ը գրում է․ Այսօր վաղ առավոտյան Հակակոռուպցիոն կոմիտեն հատուկ միջոցառում է իրականացրել։ Կոմիտեի աշխատակիցները գործողություններ են իրականացրել ոստիկանության Վաղարշապատի բաժնում, ոստիկանության ծառայողներ են ձերբակալվել։ Ի պատասխան NEWS.am-ի հարցման՝...

Կաշառք ստանալու համար մեղադրվող ՍԱՏՄ երկու պաշտոնյաների վերաբերյալ նախաքննությունն ավարտվել է

Կաշառք ստանալու համար մեղադրվող ՍԱՏՄ երկու պաշտոնյաների վերաբերյալ նախաքննությունն ավարտվել է

ՀՀ հակակոռուպցիոն կոմիտեում քննված քրեական վարույթով իրականացված նախաքննությամբ հիմնավորվել է, որ ՀՀ սննդամթերքի անվտանգության տեսչական մարմնի (ՍԱՏՄ) Վայոց ձորի մարզային կենտրոնի երկու գլխավոր տեսուչները, իրենց լիազորություններն օգտագործելով կաշառք տվողի կամ նրա...

Լիլիթ Գալստյանը ՔՊ-ական պատգամավորին բացատրեց «Archeological site»-ի նշանակությունը

Ո՛չ բոլոր արգելոցներն են հնավայր, ինչպես և, ո՛չ բոլոր հնավայրերը կարող են իրենցից ներկայացնել արգելոց: Այս մասին ԱԺ իր ելույթում նշեց Հայաստան խմբակցության պատգամավոր Լիլիթ Գալստյանը՝ անդրադառնալով ՔՊ-ական պատգամավորի ներկայացրած նախագծին՝...

Բերեք անկեղծ լինենք և՛ ժողովրդի հետ, և՛ ձեռք բերված նախագծի հետ․ Արման Ղազարյան 

Լիազորությունները կրճատելու օրինագիծ եք բերել, տակն էլ փորձում եք այլ հիմնավորում դնել։ Այս մասին այսօր՝ մայիսի 7-ին, ԱԺ-ում հայտարարեց «Հայաստան» խմբակցության պատգամավոր Արման Ղազարյանը։ «Այդպես չի ստացվելու։ Բերեք անկեղծ լինենք և՛...