Տեղի է ունենում «Հայաստանը ես եմ» նախաձեռնության մեկ տարվա գործունեության ամփոփիչ մամուլի ասուլիսը։
Մեկ տարվա ընթացքում նախաձեռնությունն իրականացրել է մի շարք կարևոր քայլեր՝ ուղղված հասարակական բարեփոխումներին, քաղաքացիների իրավունքների պաշտպանությանը և պետական քաղաքականության թափանցիկության բարձրացմանը, մասնավորապես՝
- ՀՀ առջև ծառացած խնդիրների խորը վերլուծություն և դրանց լուծման 18 առաջարկ-պահանջների ներկայացում ՀՀ իշխանություններին,
- «Ապագայի ճարտարապետներ» մրցույթի մեկնարկ՝ նպատակաուղղված Հայաստանի զարգացման տեսլականով երիտասարդների ու մասնագետների ներգրավմանը,
- «Դեմ եմ հայտարարագրմանը» քաղաքացիական ակցիայի իրականացում, որի արդյունքում հայտարարագրման ժամկետը հետաձգվեց։ Մենք շարունակում ենք հետևողականորեն հանդես գալ այդ օրենքի ամբողջական չեղարկման պահանջով,
- Հարկային բռնության գործիքակազմի դեմ պայքար և Վարչական դատավարության օրենսգրքի փոփոխության խոչընդոտում, որոնք սպառնում են քաղաքացիների տնտեսական և իրավական անվտանգությանը,
- Համախմբման նախաձեռնությունների իրականացում և համագործակցության հուշագրերի կնքում։
Ասուլիսի ընթացքում նախաձեռնության ղեկավար Նաիրի Սարգսյանը կներկայացնի կատարված աշխատանքները, մանրամասն կանդրադառնա վերոնշյալ թեմաներին, ինչպես նաև կներկայացնի նախաձեռնության առաջիկա ծրագրերը։
Մամուլի ասուլիսն առաջարկում ենք դիտել ուղիղ հեռարձակմամբ։
