«Յուրաքանչյուր հայ մարդու, Հայաստանի Հանրապետության քաղաքացու պետք է բացատրենք այն բոլոր վտանգները, որ գոյություն ունեն, բացատրենք և բացահայտենք այս չարիքի իշխանության իրական դեմքը: Դժբախտաբար դեռ մենք ունենք հայրենակիցներ, ունենք Հայաստանի Հանրապետության քաղաքացիներ, ում սրանք կարողանում են խաբել և մոլորեցնել, ում սրանք կարողանում են դեռ իրենց կործանման, ոչնչացման, քանդման, զիջման օրակարգը ներկայացնել խաղաղության կամ բարեկեցության օրակարգ: Հետևաբար մենք միասին այս ուղղությամբ հսկայական աշխատանք ունենք, և ես կուզեմ յուրաքանչյուրն իր բակում, իր հարևանի հետ, իր դասընկերոջ հետ այս աշխատանքն անի․ անենք համբերատարությամբ և բացատրենք այն իրավիճակը, որ մեզ սպասվում է», — այս մասին «Հայաստան» դաշինքի անդամների և Մասիս քաղաքի բնակիչների հանդիպմանը նշեց «Հայաստան» խմբակցության պատգամավոր Իշխան Սաղաթելյանը։
Մանրամասն՝ տեսանյութում։
