Գորիսի պետական քոլեջի նորանշանակ տնօրենը, ոստիկանական ուժերի օգնությամբ, մտել է քոլեջ: Այս մասին հայտնում է syuniacyerkir.am-ը:
Նրա խնդրանքը, դասախոսներին և ուսանողներին, ներս գալու և զրուցելու, առայժմ մերժման է արժանանում։
Դասախոսներն ու ուսանողները պնդում են իրենց պահանջը, իսկ ոստիկանները՝ Գորիսի ոստիկանապետ Կարեն Հովսեփյանի գլխավորությամբ, զբաղված են տնօրենի նորանշանակ պաշտոնակատարի պաշտպանությամբ։
Հիշեցնենք՝ երեկ երեկոյան հայտնի է դարձել, որ Ժաննա Անդրեասյանը դեկտեմբերի 4-ից քոլեջի տնօրենի պաշտոնակատար է նշանակել Արմինե Կոլյանին։
