Արցախից բռնի տեղահանված 6444 ընտանիք հավաստագիր է ստացել բնակարանային ապահովման պետական աջակցության ծրագրի շրջանակում։ Այս մասին հայտարարել է ՀՀ փոխվարչապետ Տիգրան Խաչատրյանը։
Նա հայտնեց, որ այդ ընտանիքներից ավելի քան 2970-ը կամ 13400 մարդ ծրագրի շրջանակում արդեն գնել է իր տունը կամ բնակարանը, գնված բնակարանների ընդհանուր արժեքը կազմում է շուրջ 48 միլիարդ դրամ։
Հուլիսից կմեկնարկի նաև Արցախից բռնի տեղահանված մինչև երեք անդամից բաղկացած ընտանիքների համար բնակարանային խնդրի կարգավորման երկարաժամկետ վարձակալության ծրագիրը:
Դրա նպատակն է բնակարանային խմբերում խնդրի կարգավորման այլընտրանքային եղանակ առաջարկել մինչև երեք անդամից բաղկացած այն տեղահանված ընտանիքներին, ովքեր կգերադասեն բնակարանային խնդիրը լուծել ոչ թե բնակարան գնելու, այլ կառավարության աջակցությամբ երկարաժամկետ վարձակալության միջոցով։ Հայտարարել է ՀՀ փոխվարչապետը:
