Արամ Ա Վեհափառ Հայրապետը կմեկնի Կիպրոս․
«Այսօր` Ուրբաթ, 5 Դեկտեմբեր 2025-ի երեկոյեան, Ն.Ս.Օ.Տ.Տ Արամ Ա. Վեհափառ Հայրապետը պիտի մեկնի Կիպրոս` ընդառաջելով Կիպրոսի Հայոց Թեմի կաթողիկոսական փոխանորդ Գերաշնորհ Տէր Կոմիտաս Արքեպիսկոպոս Օհանեանի եւ Ազգային իշխանութեան հրաւէրին։
Նորին Սրբութեան պատուիրակութեան մաս կը կազմեն Մեծի Տանն Կիլիկիոյ Կաթողիկոսութեան Ազգային կեդրոնական վարչութեան Քաղաքական ժողովի համա-ատենապետներ Ստեփան Տէր Պետրոսեան ու Գրիգոր Մահսերեճեան, Կաթողիկոսարանի դիւանապետ Գերաշնորհ Տէր Տաճատ Եպիսկոպոս Աշըգեան, Կաթողիկոսարանի Տեղեկատուական բաժանմունքի վարիչ Հոգեշնորհ Տէր Յովակիմ Վարդապետ Բանճարճեան եւ Կաթողիկոսարանի միջ-եկեղեցական ու միջ-կրօնական յարաբերութեանց բաժանմունքի պատասխանատուներէն եւ Նորին Սրբութեան գաւազանակիր Հոգեշնորհ Տէր Սարգիս Վարդապետ Աբրահամեան։
Վեհափառ Հայրապետին եռօրեայ այցելութիւնը Կիպրոսի հայոց թեմ պիտի ներառէ հայրապետական պատգամ, հանդիպումներ՝ Կիպրոսի նախագահին, Կիպրոսի յոյն եկեղեցւոյ պետին եւ Ազգային իշխանութեանց մարմիններուն հետ, ինչպէս նաեւ՝ Նորին Սրբութեան հայրապետական գահակալութեան 30-ամեակի նշում»։
