Օգոստոսի 8-ին Վաշինգտոնում Ադրբեջանի և Հայաստանի ղեկավարների կողմից համատեղ հռչակագրի ստորագրումը և երկու երկրների միջև խաղաղության համաձայնագրի նախաստորագրումը ավելի քան 30 տարի շարունակվող հակամարտության խաղաղ կարգավորման կարևոր փուլ է:

Նման հայտարարություն է արել Ադրբեջանի պաշտպանության նախարար Զաքիր Հասանովը Անկարայում իր թուրք գործընկեր Յաշար Գյուլերի և Վրաստանի պաշտպանության նախարար Իրակլի Չիկովանիի հետ համատեղ մամուլի ասուլիսի ժամանակ:

Նա նաև նշել է, թե եռակողմ հանդիպման ժամանակ ընդգծվել է տարածաշրջանում խաղաղության, կայունության և անվտանգության սպառնալիքների դեմ համատեղ պայքարի կարևորությունը: