Երևանը շատ բան կկորցնի, եթե որոշի դուրս գալ Հավաքական անվտանգության պայմանագրի կազմակերպությունից: «ТАСС»-ի փոխանցմամբ՝ այս մասին հայտարարել է ՌԴ Դաշնային ժողովի Դաշնության խորհրդի նախագահ Վալենտինա Մատվիենկոն։
«Հայաստանի իրավունքն է՝ պահպանել իր անդամակցությունը ՀԱՊԿ-ում, թե ոչ: Կարծում եմ, որ հակառակ դեպքում Հայաստանը շատ բան կկորցնի»,- ընդգծել է նա։
Մատվիենկոն նաև մեկնաբանել է Հավաքական անվտանգության պայմանագրի կազմակերպությունում Երևանին ձայնի իրավունքից զրկելու որոշումը։
«Այն ընդունվել է միավորման փաստաթղթերին համապատասխան: Երկիրը, որը երկար ժամանակ անդամավճարներ չի վճարում, զրկվում է ձայնի իրավունքից», շեշտել է նա։
Հիշեցնենք՝ նոյեմբերի 10-11-ը Մոսկվայում կայացած ՀԱՊԿ Հավաքական անվտանգության խորհրդի գագաթնաժողովի ժամանակ՝ մասնակիցները որոշում են կայացրել Հայաստանին զրկել կազմակերպությունում ձայնի իրավունքից, ինչպես նաև առանցքային պաշտոններում իր ներկայացուցիչներին առաջադրելու հնարավորությունից:
