Ռուսաստանի Անվտանգության խորհրդի քարտուղար Սերգեյ Շոյգուի խոսքով՝ Հարավային Կովկասում իրավիճակը բարելավվում է՝ Հայաստանի և Ադրբեջանի հարաբերությունների կարգավորման, ինչպես նաև Վրաստանի՝ ազգային շահերի պաշտպանությանն ուղղված քաղաքականության շնորհիվ։ Այս մասին նա հայտարարել է Մոսկվայում՝ ԱՊՀ երկրների անվտանգության խորհուրդների քարտուղարների հանդիպման շրջանակում։

Շոյգուն նշել է, որ հայ-ադրբեջանական հարաբերությունների կարգավորումն ու տարածաշրջանում փաստացի խաղաղության հաստատումն արդեն դրական արդյունքներ են տալիս։

Անդրադառնալով Վրաստանին՝ նա հայտարարել է, որ երկրի իշխանությունները 2024 թվականին գործնականում կանխել են պետական հեղաշրջման փորձը, որը, նրա պնդմամբ, նախաձեռնել էր արևմտամետ ընդդիմությունը։

Ռուսաստանի Անվտանգության խորհրդի քարտուղարն ընդգծել է, որ տարածաշրջանային խնդիրները պետք է լուծվեն քաղաքական-դիվանագիտական ճանապարհով՝ առանց արտաքին երկրների միջամտության։