ԱՄՆ նախագահ Դոնալդ Թրամփը հայտարարել է, որ պատրաստ է համագործակցել դեմոկրատների հետ, որոնց, առաջատար լրատվամիջոցների գնահատականներով, Կոնգրեսի միջանկյալ ընտրությունների արդյունքներով կանցնի Կոնգրեսի վերահսկողությունը։ Գրում է ՏԱՍՍ-ը։
«Մենք կաշխատենք դեմոկրատների հետ, որպեսզի երկրում ամեն ինչ լավ ընթանա։ Սա շատ կարևոր է»,- Politico պարբերականին տված հարցազրույցում ասել է նա։
«Նրանք արդեն զանգահարել են, ցանկանում են աշխատել ինձ հետ։ Ես ամեն ինչի նկատմամբ վետոյի իրավունք ունեմ»,- հավելել է ԱՄՆ նախագահը։
Հիշեցնենք՝ ԱՄՆ Կոնգրեսի միջանկյալ ընտրությունների նախնական արդյունքներով՝ դեմոկրատները գերազանցում են հանրապետականներին։
