Հոկտեմբերի 25-ին Հայաստանի 10 մարզի 21 համայնքում անցկացվել են տեղական ինքնակառավարման մարմինների ընտրություններ։ Գրեթե բոլոր այս համայնքներում ձայների ճնշող մեծամասնությամբ իշխող «Քաղաքացիական պայմանագիր» կուսակցությունը հաղթել է ընտրությունները։ Սակայն մի շարք համայնքներում կուսակցությունը ընդհանրապես մրցակից չի ունեցել։ Ընտրությունը փաստացի վերածվել էր ՔՊ-ի թեկնածուին «կողմ» կամ «դեմ» քվեարկելու գործընթացի։

Այդպիսիք են՝
• Արմավիր մարզի Արմավիր համայնքը՝ ՔՊ՝ 96,07%, «դեմ»՝ 3,43%,
• Գեղարքունիքի Վարդենիս համայնք՝ ՔՊ՝ 93,78%, «դեմ»՝ 5,68%,
• Կոտայքի Գառնի համայնք՝ ՔՊ՝ 94,23%, «դեմ»՝ 5,38%,
• Շիրակի Ախուրյան համայնք՝ ՔՊ՝ 92,34%, «դեմ»՝ 7,06%,
• Վայոց ձորի Վայք համայնք՝ ՔՊ՝ 96,11%, «դեմ»՝ 3,39%։

21 համայնքից 6-ում էլ ՔՊ-ն ուներ ընդամենը մեկ մրցակից։
• Արմավիր մարզի Արաքս համայնք՝ ՔՊ՝ 71,95%, «Արդարություն» կուսակցություն՝ 28,02%,
• Կոտայքի Ծաղկաձոր համայնք՝ ՔՊ՝ 84,56%, ՀՅԴ՝ 15,43%,
• Կոտայքի Հրազդան համայնք՝ ՔՊ ՝ 90,82%, ՀՅԴ՝ 9,16%,
• Սյունիքի Գորիս համայնք՝ «Համերաշխություն» դաշինք ՝ 93,57%, «Ապրելու քվե» կուսակցությունների դաշինք՝ 6,41%,
• Վայոց Ձորի Ջերմուկ համայնք՝ ՔՊ՝ 92,76%, «Ապրելու երկիր» կուսակցություն՝ 7,20%,
• Տավուշի Իջևան համայնք՝ ՔՊ՝ 86,12%, «Ինքնիշխան Հայաստան» կուսակցություն՝ 13,85%։

Ստորև ներկայացնում ենք նաև մյուս համայնքների ընտրությունների արդյունքները․

1. Արարատ – Արտաշատ
«Նոր դարաշրջան» կուսակցություն – 3,43%
ՀՅԴ – 10,59%
ՔՊԿ – 85,95%

2. Գեղարքունիք – Գավառ 
«Հայկական քվե» կուսակցություն – 7,46%
«Համերաշխություն» կուսակցությունների դաշինք — 81,71%
«Ինքնիշխան Հայաստան» կուսակցություն – 10,81%

3. Գեղարքունիք – Մարտունի
«Մեր համայնք» կուսակցությունների դաշինք – 16,30%
«Ապրելու երկիր» կուսակցություն – 4,81%
ՀՅԴ – 11,26%
ՔՊԿ – 67,61%

4. Լոռի – Ստեփանավան
«Գործարար» կուսակցություն – 41,54%
«Հանրապետություն» կուսակցություն – 3,41%
ՔՊԿ – 35,32%
«Ուժեղ Հայաստան» կուսակցություն – 19,68%

5. Շիրակ – Արթիկ
«Ազատ դեմոկրատներ» կուսակցություն – 10,53%
«Ապրելու երկիր» կուսակցություն – 8,84%
«Հայրենիք» կուսակցություն¬ – 5,82%
ՔՊԿ – 74,79%

6. Սյունիք – Մեղրի
«Ապրելու երկիր» կուսակցություն – 18,82%
Հայաստանի եվրոպական կուսակցություն – 5,33%
Հայաստանի շնորհապետական կուսակցություն – 3,98%
ՔՊԿ – 71,83%

7. Վայող ձոր – Եղեգնաձոր
«Նոր դարաշրջան» կուսակցություն – 5,07%
«Հանրապետություն» կուսակցություն – 46,86%
ՔՊԿ – 48,06%

8. Տավուշ – Դիլիջան
«Ապրելու երկիր» կուսակցություն – 16,24%
«Հանրապետություն» կուսակցություն – 7,45%
ՔՊԿ – 76,27%

Ըստ հրապարակված արդյունքների՝ ՔՊ-ն պարտվել է միայն Ստեփանավան համայնքում, այն էլ գործող համայնքապետ Արմեն Գրիգորյանին։
Երկու համայնքում՝ Լոռու մարզի Ֆիոլետովոյում և Արագածոտն մարզի Շամիրամում, ի տարբերություն մյուս համայնքների, ընտրություններն անցկացվել են մեծամասնական ընտրակարգով (անհատական թեկնածուներով):

Ֆիոլետովո համայնքի ղեկավար է ընտրվել Միխաիլ Չիչյովը։ Նա ստացել է 109 ձայն (կամ շուրջ 60.9%)՝ հաղթելով մրցակցին՝ Ալեքսեյ Նովիկովին (65 ձայն)։

Շամիրամ համայնքի ղեկավարի պաշտոնի համար առաջադրվել էր մեկ թեկնածու՝ գործող համայնքապետ Մրազ Բրոյանը, ով ղեկավարում է գյուղը շուրջ 35 տարի։

Այսպիսով ՔՊ-ն պահպանել է գերիշխող դիրքը գրեթե բոլոր համայնքներում, սակայն ընտրությունների մրցակցային մակարդակը համայնքից համայնք էապես տարբերվել է։

Ընտրությունների ժամանակ արձանագրվել են մի շարք խախտումներ, իսկ նախընտրական փուլում ձերբակալվել ու կալանավորվել են ընտրությանը մասնակից մի շարք ընդդիմադիրներ։