Ռուսական «Ռոսատոմ»-ը Հայաստանին առաջարկում է նոր ատոմակայանի, ինչպես նաև փոքր և միջին հզորության էներգաբլոկների կառուցման տարբերակներ։
«Ռոսատոմ»-ի գլխավոր տնօրեն Ալեքսեյ Լիխաչովը Հայաստանում ներկայացրել է նոր ԱԷԿ-ի կառուցման առաջարկներն ու դրանց իրականացման հնարավոր մեխանիզմները։
Ռուսական կողմը նաև պատրաստակամություն է հայտնել շարունակելու համագործակցությունը Հայկական ԱԷԿ-ի գործող էներգաբլոկի շահագործման ժամկետի երկարաձգման ուղղությամբ։ Ալեքսեյ Լիխաչովը նշել է, որ հայաստանյան գործընկերների հետ ունեն կառուցողական համագործակցություն, այդ թվում՝ ՀԱԷԿ–ի գործող էներգաբլոկի գործունեության ժամկետների երկարաձգման ուղղությամբ։
Հայաստանը ներկայում քննարկում է նոր ատոմային էներգաբլոկի կառուցման վերաբերյալ միջազգային գործընկերներից ստացված տարբեր առաջարկները։
