Սերբիայի նախագահ Ալեքսանդր Վուչիչը հրաժարական է տվել՝ պաշտոնը թողնելով իր երկրորդ և վերջին հնգամյա պաշտոնավարման ժամկետի ավարտից մոտ յոթ ամիս առաջ։ Այս մասին հայտնում է Reuters-ը՝ նշելով, որ նրա հրաժարականը ճանապարհ է բացում երկրում արտահերթ նախագահական ընտրությունների անցկացման համար։
Վուչիչի հրաժարականը տեղի է ունենում Սերբիայում հոկտեմբերի 25-ին նախատեսված արտահերթ խորհրդարանական ընտրությունների նախընտրական քարոզարշավին ընդառաջ։ Նրա «Սերբական առաջադիմական կուսակցությունը» (SNS) ընտրություններին մասնակցում է դաշնակիցների հետ միասին։ Եթե հոկտեմբերի 25-ի խորհրդարանական ընտրություններից հետո նրա կուսակցությունն ու դաշնակիցները կարողանան ձևավորել կառավարություն, Վուչիչը կարող է նշանակվել վարչապետ։
Սերբիայի պաշտոնաթող նախագահ Ալեքսանդր Վուչիչը հայտարարել է, որ Եվրոպական միության ներկայացուցիչների հետ բանակցային յուրաքանչյուր հանդիպում իր համար եղել է «տանջանք»:
«Վերջին չորսուկես տարվա ընթացքում Եվրոպայում գրեթե յուրաքանչյուր հանդիպում տանջանք էր: Ես ոչ մի տեղ ինձ հարմարավետ չէի զգում, որովհետև յուրաքանչյուր հանդիպման առաջին հարցը հետևյալն էր. «Ինչո՞ւ Ռուսաստանի դեմ պատժամիջոցներ չեք սահմանել»։ Ամենուրեք»,- նրա խոսքերը մեջբերում է «Blic» պարբերականը։
Ավելի վերջին Վուչիչը հայտարարել էր արտաքին լուրջ ճնշման մասին՝ կապված Մոսկվայի հետ հարաբերությունների հարցում Բելգրադի դիրքորոշման հետ՝ հիշեցնելով, որ իր երկիրը ՌԴ-ի դեմ որևէ պատժամիջոց չի սահմանել:
