1001 հարցված քաղաքացիների ճնշող մասը՝ 54%-ը, պնդում է, որ ՀՀ-ում կան քաղբանտարկյալներ։ Այդ մասին հայտնել է «GALLUP International Association»-ի Հայաստանում լիիրավ անդամ «Էմ Փի Ջի» ՍՊԸ տնօրեն Արամ Նավասարդյանը։

54%-ից 53%-ը նշել է, որ ՀՀ-ում քաղբանտարկյալ է ՀՀ երկրորդ նախագահ Ռոբերտ Քոչարյանը, 42.1%-ը՝ Գագիկ Ծառուկյանը, 23.4%-ը՝ Սամվել Կարապետյանը, 10.5%-ը՝ Բագրատ արքեպիսկոպոս Գալստանյանը, 5.8%-ը՝ Անդրանիկ Թևանյանը, 5.3%-ը՝ Վարդան Ղուկասյանը, 4.1%-ը՝ Արեգնազ Մանուկյանը, 2.9%-ը՝ Սեդրակ Քոչարյանը։

Նավասարդյանը նշել է, որ Սամվել Կարապետյանն ու Բագրատ արքեպիսկոպոս Գալստանյանը համեմատաբար Ռոբերտ Քոչարյանի և Գագիկ Ծառուկյանի ավելի քիչ «ցուցանիշներ» են ստացել, քանի որ գտնվում են տնային կալանքի տակ, իսկ քաղաքացիներն այդքան էլ չեն ընկալում տնային կալանքը որպես կալանք։