Ռուսաստանի նախագահ Վլադիմիր Պուտինն ու Հնդկաստանի վարչապետ Նարենդրա Մոդին կարճատև զրույց են ունեցել Նյու Դելիում ԲՐԻԿՍ-ի գագաթնաժողովի մեկնարկից առաջ: Հանդիպումը կայացել է «Բհարատ Մանդապամ» կոնգրեսա-ցուցահանդեսային կենտրոնում, որտեղ անցկացվում են նաև ֆորումի հիմնական միջոցառումները, հայտնում է «Կոմերսանտ»-ը:
Մոդին դիմավորել է Պուտինին գագաթնաժողովի հարթակում: Համատեղ լուսանկարահանումից հետո առաջնորդները շարունակել են զրույցը նիստերի դահլիճ գնալու ճանապարհին, որտեղ հավաքվել էին միավորման մասնակից պետությունների ղեկավարները: Այնուհետև Հնդկաստանի վարչապետը գագաթնաժողովը հայտարարել է բացված:
Պուտինը Նյու Դելի է ժամանել ուրբաթ օրը՝ եռօրյա աշխատանքային այցով: ԲՐԻԿՍ-ի գագաթնաժողովի հիմնական միջոցառումներն անցկացվում են սեպտեմբերի 12-ին և 13-ին:
Բարձր մակարդակի հանդիպմանը ներկայացված է ութ երկիր՝ Ռուսաստանը, Հնդկաստանը, Չինաստանը, Եգիպտոսը, Ինդոնեզիան, Իրանը, ՀԱՀ-ն և Եթովպիան: ԱՄԷ-ն ներկայացնում է Աբու Դաբիի գահաժառանգ արքայազնը, իսկ Բրազիլիան և Սաուդյան Արաբիան՝ արտաքին գործերի նախարարները:
