«Հայաստանում գազը էժան չէ։ Սահմանից մինչև սպառող հասնելու ճանապարհին, այլ երկրների համեմատ, Հայաստանում գնի գոյացման ամենամեծ հավելաճն է տեղի ունենում։
Մենք դիվերսիֆիկացնելու ենք՝ անկախ ամեն ինչից՝ թանկանա, չթանկանա, ինչ էլ լինի։ Եթե հնարավորություն կա երկրորդ աղբյուրից գազ բերել կամ երկրորդ աղբյուրից ավելի շատ գազ բերել, մենք գնալու ենք այդ ճանապարհով։ Եթե հնարավորություն կա երրորդ աղբյուրից բերել՝ գնալու ենք այդ ճանապարհով։ Եթե հնարավորություն կա չորրորդ աղբյուրից բերել՝ այդ ճանապարհով էլ ենք գնալու։
Եթե հնարավորություն կա, որ TRIPP-ով գազամուղ անցնի Հայաստանով, և մենք, այդ թվում, տրանզիտային վճարներ ստանանք, այդ ճանապարհով էլ կարող ենք գնալ»,- այս մասին այսօր՝ սեպտեմբերի 11-ին, ճեպազրույցի ընթացքում հայտարարեց Նիկոլ Փաշինյանը։
Մանրամասն՝ տեսանյութում։
