Ինչպե՞ս հասկացաք, որ Գագիկ Ծառուկյանի, Ռոբերտ Քոչարյանի կամ մնացածների բիզնեսները պետք է ստուգել, կապարակնքել այն ժամանակ, երբ Փաշինյան բարձրաձայնեց։ Այս հարցն է այսօր լրագրողւ ուղղել ՊԵԿ նախագահ Էդուարդ Հակոբյանին։
«Փակել, կապարակնքել գործառույթները տեղի են ունենում քրեական գործերի շրջանակներում։
Ինչ վերաբերում են հարկային ստուգումներին՝ դրանք եղել են նախորդող տարիներին, անցած տարի, այս տարվա ընթացքում։ Այն, ինչ դուք լսում եք, տարբեր փուլերի գործողությունների արտացոլումն է»,- պատասխանեց նա։
Հարցին՝ Սամվել Ալեքսանյանի, Արտակ Սարգսյանի բիզնեսների հետ կապված ստուգումներ չե՞ն լինում, Հակոբյանն ասաց. «Պարբերաբար ինձ տանում եք քաղաքականության տիրույթ՝ փորձելով մեր ստուգումները կապել ինչ-որ անունների, կուսակցությունների հետ, ՊԵԿ-ն այդպես չի աշխատում, բոլոր բիզնեսները, կապված իրենց ռիսկերից, անցնում են մեր ստուգումներով»։
Մանրամասն՝ տեսանյութում։
