Հյուսիսային Կիպրոսի ափերի մոտ կողաշրջվել է ավելի քան 270 մարդ տեղափոխող ուղևորատար նավ։ «Արմենպրես»-ի փոխանցմամբ՝ այս մասին հայտնում է Reuters-ը։
Kibris Postati-ն հաղորդում է, որ Filo Denizcilik նավի վրա կա 259 ուղևոր և անձնակազմի ութ անդամ։ Միջադեպը տեղի է ունեցել Գիրնեի (Կիրենիա) ափից մոտ երկու կիլոմետր հեռավորության վրա։
Նախնական տեղեկությունների համաձայն՝ նավի վրա անհայտ պատճառով անցք է առաջացել։ Նավապետը նկատել է, որ ջուրը լցվում է նավի քթամաս և փորձել է շրջվել դեպի ափ, սակայն նավը շուտով կողաշրջվել է։
Տարածքում որոնողական-փրկարարական աշխատանքներ են ընթանում։ Գիրնեի քաղաքապետ Մուրատ Սենքուլը CNN Turk-ին ասել է, որ փրկարարները կապ են հաստատել նավի վրա գտնվող 258 ուղևորներից 159-ի հետ։
