Մարիա Զախարովան՝ Բաքվի կողմից երեք ռուս լրագրողների նկատմամբ հետախուզում հայտարարելու վերաբերյալ, նշել է, որ Ադրբեջանի տեղեկատվական դաշտում մշտապես առկա են Ռուսաստանի նկատմամբ ոչ բարեկամական նարատիվներ։ Հայտնում է ՏԱՍՍ-ը։
Մոսկվան անհրաժեշտության դեպքում կապահովի Ադրբեջանի գլխավոր դատախազության կողմից միջազգային հետախուզում հայտարարված ռուս լրագրողների շահերի պաշտպանությունը։
Հանրապետության սահմանադրական կարգը բռնի տապալելու կոչերի մեջ մեղադրվող և հետախուզման մեջ գտնվող ռուս լրագրողների հայտարարությունները չեն արտացոլում ՌԴ-ի մոտեցումները Բաքվի հետ հարաբերություններին։
Ռուսաստանը հույս ունի Ադրբեջանի հետ երկխոսության միջոցով բարելավել տեղեկատվական միջավայրը,- հայտարարել է ՌԴ ԱԳՆ խոսնակը։
Հիշեցնենք՝ Ադրբեջանի գլխավոր դատախազությունը քրեական գործ է հարուցել և միջազգային հետախուզում հայտարարել ՌԴ երեք քաղաքացիների՝ լրագրող Իվան Կնյազևի, քաղաքական խորհրդատու Սեմյոն Ուրալովի և տրանսպորտի նախարարի խորհրդական Ալեքսեյ Չադաևի նկատմամբ։
Նրանց նկատմամբ հեռակա կարգով որպես խափանման միջոց է ընտրվել կալանավորումը
