«2015 թվականի հոկտեմբերին ՀԷՑ-ը ձեռք բերելիս որևէ ակնկալիք չի եղել, որ կարող է շահույթ լինել, բայց այս ամենով հանդերձ՝ պարոն Կարապետյանը հայտարարել է. «Ես հոսանքը չեմ թանկացնելու»: Եթե հոսանքը թանկանում է, պետք է տեսնել, թե ով է թանկացնողը։ Իշխանության մեջ կան մանիպուլյատիվ մարդիկ, որոնք մանիպուլյացիոն հայտարարություններ են անում ու դաշտ նետում, թե հոսանքի որևէ թանկացում կատարվում է ՀԷՑ-ի կողմից՝ այդպիսի բան չի եղել․ 10 տարվա ընթացքում ՀԷՑ-ի նախաձեռնությամբ սակագինը զրո դրամով է թանկացվել։
Թանկացնողը պետական՝ իբրև թե անկախ մարմինն է․ այնտեղ առաջարկներ են ներկայացնում, կամ էլ հանձնաժողովն իր նախաձեռնությամբ է թանկացնում հոսանքը։ ՀԷՑ-ը երբևէ չի դիմել, որպեսզի հոսանքը թանկացվի»,- այս մասին ԱԺ իր ելույթում ասաց «Ուժեղ Հայաստան» կուսակցության պատգամավոր Դավիթ Ղազինյանը։
Մանրամասն՝ տեսանյութում։
