«Ես, որպես նախկին մարզաշխարհի ներկայացուցիչ, չէի կարող աջակցություն չհայտնել։ Ես Խորհրդային Միության տարիներին եմ եղել մարզիկ։
Բայց այսօրվա մարզաշխարհի մասին, որի ղեկավարումը 2000 թվականից ստանձնել է Գագիկ Ծառուկյանը՝ որպես Հայաստանի ազգային օլիմպիական կոմիտեի նախագահ, ինձ ամենից շատ զարմացնում է այն, թե ինչպես են այդ աշխարհի օլիմպիական չեմպիոն տղաներն այսօր լուռ նստած և այս անարդարության դեմ որևէ ձայն չեն բարձրացնում։
Ես գիտեմ, որ մարզիկը, երբ մտնում է պայքարի մեջ, միշտ արդար որոշում է ակնկալում իր նկատմամբ։ Այսօր, իմ կարծիքով, Հայաստանի ազգային օլիմպիական կոմիտեի նախագահի նկատմամբ անարդար որոշում է կայացվում, և ես զարմանում եմ, որ մեր հանճարեղ մարզիկները, ովքեր հնարավորություն ունեն շփվելու այսօրվա իշխանուհիների հետ, չեն մոտենում և չեն ասում. «Նա միայն մեզ համար չի արել, նա դա արել է ամբողջ հայ ժողովրդի համար։ Ինչպե՞ս եք այսօր փակում նրա ձեռնարկություններն ու մարզահրապարակները, որպեսզի վաղը մենք չկարողանանք մեր ազգը ներկայացնել»։
Ահա սա է իմ ցավը՝ որ մեր հանճարեղ մարզիկներն այսօր լռում են»,- այս մասին այսօր՝ հուլիսի 24-ին, ՔԿ-ի դիմաց լրագրողների հետ զրույցում նշեց բռնցքամարտի աշխարհի չեմպիոն Իսրայել Հակոբկոխյանը։
Մանրամասն՝ տեսանյութում։
