«Մենք ապրում ենք դասական քաղաքական հետապնդման պայմաններում, ընդ որում՝ հետապնդման այն մարդկանց նկատմամբ, ովքեր այս կամ այն առումով իշխանությունների հետ համաձայն չեն։ Իսկ Գագիկ Ծառուկյանի հետ կապված գործընթացներն ունեն միայն այդ բնույթը։
Եթե ավելի խորքային նայենք, եկեք հիշենք, թե ինչ էր կատարվում նախընտրական փուլում։ Այդ ի՞նչ էր արել կամ ասել Գագիկ Ծառուկյանը, որ այսօր փորձում են անել այն, ինչ «քաղաքական հետապնդում» բառից բացի ուրիշ որակավորում ոչ ոք չի կարող տալ։ Ի՞նչ, հանրային համերաշխության համա՞ր են այս ամենն անում։ Նրա համա՞ր, որ կոչ էր անում՝ հերիք է իրար ատենք, հերիք է իրար խժռենք։ Թե՞ նրա համար, որ հայտարարում էր, ասում էր. «Ժողովուրդ ջան, իրավիճակ է փոխվել, այսօր երկիրը կանգնած է լրջագույն վտանգների առջև»։ Դրա համա՞ր են այս ֆարսը անում»,- այս մասին այսօր՝ հուլիսի 24-ին, ՔԿ-ի դիմաց հայտարարեց ԲՀԿ անդամ, քաղաքական վերլուծաբան Արման Աբովյան։
Մանրամասն՝ տեսանյութում։
