Գործիք պետք է լինի, շուկայի ուսումնասիրություն պետք է լինի, լոգիստիկ շղթաները պետք է գտնենք՝ սկսած վարորդներից մինչև վերջին ստացողը։ Դրանք ամբողջությամբ խնդրահարույց հարցեր են։
Առաջինը՝ մարքեթինգային աշխատանք պետք է կատարվի, որպեսզի հայկական ձուկ-ձկնամթերքը ներկայացվի նոր շուկայում։ Մարդիկ ընդհանրապես պատկերացում չունեն, թե հայկական իշխանը ինչ է իրենից ներկայացնում։ Ինչո՞ւ պետք է Եվրոպայի 450-500 միլիոնանոց բնակչության թեկուզ 10 տոկոսը որոշի գումար վճարել ու գնել հայկական իշխանը, եթե այն չի ճանաչում։ Երբ դարակներում արդեն կա Չիլիի, Նորվեգիայի, Թուրքիայի արտադրանքը, խոսքը ծովային ձկների մասին է, որոնք որոշ դեպքերում նույնիսկ հայկական իշխանից ավելի էժան են։
Երկրորդը՝ ամբողջ Եվրոպական միությունում ամենալավ ձկան կերի արժեքը չի գերազանցում մեկ եվրոն, այսինքն՝ 400-420 դրամը։ Հայաստանի Հանրապետությունում նույն կերի արժեքը 800 և ավելի դրամ է։ Դա մեզ ինչ-որ բան հուշո՞ւմ է, թե՞ չէ։ Եթե ձուկ արտադրելու ինքնարժեքի 80-85 տոկոսը ձևավորվում է հենց կերի արժեքով, ապա եվրոպական արտադրողը հաշվարկը սկսում է 400 դրամից, իսկ հայ արտադրողը՝ 800 դրամից։
Անցյալ շաբաթ ես մի արտահայտություն արեցի. խոսքը վերաբերում էր նրան, թե ինչպիսի ֆոկուս պետք է անենք, որ այդ հարաբերակցությամբ հաղթահարենք այդ բարիերը և կարողանանք հետաքրքրել եվրոպական շուկային, որպեսզի մեր ապրանքը գնեն։
Երրորդը՝ լոգիստիկան։ Վարորդները վիզա ունե՞ն, չունե՞ն։ Այսօր վարորդն ասում է՝ ես պետք է 8-9 հազար կիլոմետր ճանապարհ գնամ, հետս էլ մարդ պետք է լինի։ Այդ ամբողջ ճանապարհը մութ անտառ է։ Այդ մարդիկ այդ ուղղություններով չեն գնացել»,- այս մասին այսօր՝ հուլիսի 21-ին, լրագրողների հետ զրույցում նշեց կառավարության շենքի դիմաց բողոքի ակցիա իրականացնող ձկնաբույծներից մեկը։
Մանրամասն՝ տեսանյութում։
