Վենեսուելայում 7,2 և 7,5 մագնիտուդով հզոր երկրաշարժեր են գրանցվել. երկրում արտակարգ դրություն է հայտարարվել:
Ըստ նախնական գնահատականների՝ զոհերի թիվը կարող է հասնել տասնյակ հազարների։
ԱՄՆ Երկրաբանական ծառայության (USGS) տվյալներով՝ երկրորդ երկրաշարժը տեղի է ունեցել առաջինից մեկ րոպե էլ չանցած։
Ծառայությունը հայտնել է, որ հավանական են բազմաթիվ զոհեր և լայնածավալ ավերածություններ։ Նախնական գնահատականներով՝ զոհերի թիվը կարող է կազմել 10 հազարից մինչև 100 հազար մարդ։
Վենեսուելայի իշխանությունները դեռևս պաշտոնական տվյալներ չեն ներկայացրել զոհերի և վիրավորների թվի վերաբերյալ։ Երկրի ներքին գործերի նախարար Դիոսդադո Կաբելյոն պետական հեռուստատեսությամբ հայտնել է, որ Կարակասում մի շարք շենքեր փլուզվել են։
Երկրաշարժի հետևանքով ստացած վնասների պատճառով փակվել է Կարակասի միջազգային օդանավակայանը։
Երկրաշարժի պահին շատ վենեսուելացիներ տներում էին, քանի որ այդ օրը երկրում նշվում էր Կարաբոբոյի ճակատամարտի օրը։
