Երևանի Կիևյան կամուրջն այս օրերին փակ է վերանորոգման նպատակով: «News.5tv.am»-ը տեղեկացավ, որ կամուրջի վերանորոգման աշխատանքները իրականացնելու է «Պրետոր» ՍՊԸ-ն:
Այս ընկերությունն արդեն իսկ մի քանի կամրջի վերանորոգման աշխատանքներ է կատարել, օրինակ՝ Աերացիայի կամուրջը, Զարթոնքի կամուրջ և այլն:
Կիևյան կամուրջի վերանորոգման համար Երևանի քաղաքապետարանը ընկերությանը գրեթե կես միլիարդ՝ ավելի կոնկրետ 456 մլն դրամ է փոխանցել: Այդ գումարով ընկերությունը պետք է կատարի հետևյալ աշխատանքները՝ կամրջի մոտեցումների երթևեկելի մասում քանդման աշխատանքներ, կամրջի երթևեկելի մասի վերանորոգում, կամրջի մոտեցումների երթևեկելի մասի վերանորգում, կամարային թռիչքային կառուցվածքի արտաքին մակերեսի վերանորոգում և այլն:
Ընկերությունը պարտավորվում է վերանորոգումն ավարտել 210 օրվա ընթացքում:
