ԵՄ մի շարք առաջնորդներ զայրացած են եղել Եվրոպական խորհրդի նախագահ Անտոնիու Կոշտայի աշխատակազմի՝ Մոսկվայի հետ ունեցած շփումների պատճառով։ Շատերը նույնիսկ տեղյակ չեն եղել այդ նախաձեռնության մասին։ RT-ի թելեգրամյան ալիքի փոխանցմամբ՝ գրում է Politico-ն:
Կոշտայի ներկայացուցիչները վերջին շաբաթների ընթացքում երկու անգամ կապ են հաստատել ռուս պաշտոնյաների հետ․ ԵՄ-ն փորձում էր ուղիներ գտնել Վլադիմիր Պուտինի հետ հնարավոր բանակցություններ սկսելու համար։
Որոշ եվրոպական երկրների ներկայացուցիչներ դեմ են արտահայտվել նման քայլերին՝ համարելով, որ այժմ ճիշտ ժամանակը չէ Ռուսաստանի հետ բանակցությունները վերականգնելու համար։ Առավել դժգոհ դիրքորոշում են հայտնել Լատվիան, Լիտվան և Էստոնիան։
Ավելի վաղ Ավստրիայի կանցլերը կոչ էր արել ԵՄ-ին պահպանել և զարգացնել Մոսկվայի հետ հաղորդակցության ուղիները՝ ընդգծելով, որ Ուկրաինայում պատերազմը չի կարող անվերջ շարունակվել միայն ռազմական ճանապարհով։
Միևնույն ժամանակ, Կոշտայի թիմը պնդում է, որ այդ կապերը եղել են կարճ և զուտ հաղորդակցության ալիքներ ստեղծելու նպատակով, առանց բովանդակային բանակցությունների։
