Մեր երկիրը վճռական քաղաքականություն է վարում՝ ուղղված տարածաշրջանում կայուն խաղաղության և կայունության մթնոլորտի ստեղծմանը։ Ինչպես հայտնում է ադրբեջանական «azertag»-ը՝ Շուշիում ընթացող «Տարածաշրջանային ներդրում գլոբալ անվտանգությանը. խաղաղաշինությունը Հարավային Կովկասում» թեմայով միջազգային համաժողովի մասնակիցներին հղված ուղերձում ասել է Ադրբեջանի նախագահ Իլհամ Ալիևը։
«Անցած տարի Վաշինգտոնում՝ Ամերիկայի Միացյալ Նահանգների նախագահ Դոնալդ Թրամփի ներկայությամբ, Ադրբեջանի և Հայաստանի ղեկավարների միջև Համատեղ հռչակագրի ստորագրումը, ինչպես նաև խաղաղության համաձայնագրի նախաստորագրումը լիովին փոխել են իրավիճակը Հարավային Կովկասում։ Այս կապակցությամբ կյանքի կոչվող «Զանգեզուրի միջանցքը» ոչ միայն կկապի Ադրբեջանի հիմնական մասը նրա Նախիջևանի տարածաշրջանի հետ, այլև կդառնա Միջին միջանցքի առանցքային սեգմենտներից մեկը»,- ասել է Ալիևը։
