Ի դեպ, Ռուսաստանի Դաշնությունը դեռ մայիսից արգելափակել է հայկական մի շարք արտադրանքի ներմուծումը։
Այն ժամանակ էկոնոմիկայի նախարար Գևորգ Պապոյանը վստահեցնում էր, որ անհանգստանալու որևէ պատճառ չկա․ ասում էր՝ եթե ռուսական շուկան խնդիրներ ստեղծի, արտահանումները դեպի Եվրոպա կհնգապատկեն։ Նույն լավատեսությունն էին ցուցաբերում նաև իշխանության այլ ներկայացուցիչներ, այդ թվում՝ Արարատ Միրզոյանը։
Ավելի ուշ ՔՊ-ականները հայտարարում էին՝ նույնիսկ լավ է, ապրանքները կմնան Հայաստանում, գները կնվազեն, ժողովուրդը կօգտվի։ Իսկ Նիկոլ Փաշինյանը վստահեցնում էր, որ միայն թե տեր կանգնեք խաղաղությանը, մնացած խնդիրները պետությունը կսուբսիդավորի։
Ամենահետաքրքիրը տեղի ունեցավ Փաշինյանի ծննդյան օրը, երբ նա հեռախոսազրույց ունեցավ Պուտինի հետ։ Դրանից հետո Գևորգ Պապոյանը հայտարարեց, թե հունիսի 7-8-ին խնդիրը կլուծվի, և արտահանողները կարող են հանգիստ լինել։ Պապոյանի վստահության հիմքն այն էր, որ հեռախոսազրույցում ջերմ էին խոսել։ Երկու ժամ անց արգելվեց հայկական ձկնեղենը։
Այսօր արդեն հունիսի 11-ն է։ Խնդիրը չի լուծվել։ Իսկ դեպի Եվրոպա արտահանումները «հնգապատկելու» մասին խոսող նույն նախարարը հիմա ասում է՝ այո՛, կա լոգիստիկ խնդիր, ԵՄ-ն հեռու է, և գործընթացը հեշտ չէ։
Հարց է առաջանում՝ ինչո՞ւ էին ընտրություններից առաջ խաբում եվրոպական հույսերով կամ ինչու էին խաբում, թե ռուսական սանկցիաները հունիսի 7-8-ը կավարտվեն։ Վերջապես՝ ո՞վ է փոխհատուցելու արտադրողի ու արտահանողի վնասները։
